Maiatzak 14, larunbata, 16:00etatik 23:00etara

3D inprimagailuak testatzeko pieza inprimatuena izatera iritsi da 3DBenchy… Baina zenbat denboran inprimatu ahalko zenuke ontzia? GEak bat egiten du #SpeedBoatRace erronkarekin, zuen makinak eta zuen konfigurazioak zertarako gai diren ikusi ahal izateko.

Arauak:

• PLA, PLA+, PETG, ASA, ABS edo ABS+ erabili beharko duzue, oinarrizko koloreekin, metal-efektuko akabera gabe, purpurina gabe, etab.
• Nozzlearen gehieneko tamaina 0,5 mm izango da.
• Geruzaren gehieneko altuera 0,25 mm izango da.
• Hiru geruza solido azpitik eta hiru gainetik erabili beharko dituzue.
• Bi horma eta betegarriaren % 10 erabili beharko dituzu.
• Jatorrizko ereduarekiko neurri proportzionalak eta zehatzak izan beharko ditu azken irudiak. Itxura ona badu, puntu gehiago.
• Makinak urratsez urratseko motorrak erabili beharko ditu.
• Inprimatze guztiaren bideo bat egin beharko duzue, eta erloju batean ikusi beharko da denbora errealean gauzatzen ari dela.
• Uploader bat utziko dizuegu, Youtubera zuen partaidetzaren esteka bat igo dezazuen #SpeedBoatRace eta #ArabaEncounter9 hashtagekin. Erabili duzuen gcodea ere igo beharko duzue.

Informazio gehiago eta aholkuak nahi badituzue, All3DPren artikulua irakur dezakezue, eta ikasitakoak eta aholkuak kontsultatu. (Ingelesez dago)